ORANJESTAD (AAN): Despues di 2 aña un biaha mas Aruba Bank hunto cu su partners Subway y IBiSAta organiza e tan gusta Aruba Bank Walk & Run y e aña aki esaki ta bay ta di 26 pa 29 di September.
Diamars atardi durante un conferencia di prensa, Marketing y PR Manager di Aruba Bank Tamara Waldron a gradici tur hende cu a yuda cu e evento, mientras cu el a duna un bon bini special na Lilly Prins di partner honorario Koningin Wilhelmina Fonds (KWF).
“Ta asina cu na 2019 nos a sinta cu KWF pa planea nos prome ‘Walk and Run for the Roses’, caminda e intencion tabata pa yuda nan cu sigui cu prevencion di cancer den nos comunidad y pa sigui yuda pashentnan di cancer na Aruba”.
Lamentablemente e evento no a bay door, pero nos a sigui cu nos donacion na KWF.
E aña aki porfin nos por realiza nos prome evento na memoria di tur e sernan cu a perde nan bataya contra cancer, segun Waldron.
See also
El a splica cu Aruba Bank ta bay tuma 5 florin di cada registracion y haci un donacion na KWF cu esaki.
Discussion about this post