Wever-Croes activo na fuente di solucion pa Reino

Black Immigrant Daily News

Den “turismo di recesion” Aruba ta  presta resultado ehemplar

*Tur pais Hulandes den Caribe lo beneficia di resultado Arubano*

*Aruba ta conoce su culminacion di accion letigimo pa recuperacion 

ORANJESTAD (AAN)-  Na 2017 el a tuma mando di un pais seriamente lastima cu tabata na porta di un destino completamente desconoci.

E realidad economico y financiero di Aruba tabata un misterio total pa Gobierno di Aruba pero tambe pa henter Reino y tur instancia oficial di Reino.

Cifranan tabata duna prueba di un desaster den cual debe tabata pasa tur posibilidad pa paga debe.

Economia a bira manera e huma cu ta bandona pipa di un refineria pa yena cielo y deshaci di e luz di solo.

Aruba no tabata sa cual rumbo e lo a drenta cu un compania di petroleo cu tabata tin Aruba rehen pasobra a hunga politica cu Citgo cu tabata tin mas chens di muri cu di bira realidad.

Na e momento pa prome bez den su bida y pa prome bez den historia di Aruba, un dama a bini dilanti.

Mr. Evelyn Wever-Croes cu den su bida a demostra cu e sa kico ta traha pa alcansa resultado y ta profesional cu experencia grandi riba su tereno, como prome dama a asumi responsabilidad di Prome Ministro.

El a haya un bari sin bom. El a haya e cartera di Aruba bashi pa loke ta placa cu e pais tabata tin mester pero yena cu debe. El a haya un proyecto difunto cu a keda sin dera ainda cu e nomber Citgo.

E regalo di entrada cu tabata spera Evelyn Wever-Croes na su entrada como gobernante, lo a pone cualkier persona salida na careda, siguiendo e ehempel di mr. Mike Eman cu ora baca a hoga na poz, a desaparece.

Prome Ministro Evelyn Wever-Croes a traha y su prome encargo tabata busca un solucion pa e debenan cu tabata mara na garganta di Aruba.

E mester a bay negocia cu Hulanda cu a yega na palabracionnan cu Aruba, separa di e otro paisnan di Reino den Caribe.

Mientrastanto Dangui Oduber mester a atende cu e centro di calamidad cu Hospital y cuido medico di Aruba tabata y na mes momento bolter e desaroyonan di turismo na Aruba despues cu Nicolas Maduro a hinca Venezolanonan den miseria y Aruba a perde un parti di su turistanan.

Trabou tabata tin na 2017 pero 2020 a habri cu e informacion cu Aruba a logra yega na entradanan cu ta cubri gastonan y cu Aruba por enfrenta futuro.

2020 a bira inicio di desastre mundial cu Covid-19, sigui pa crisis petrolero, guera di Ukraine y awe hasta macaco a manda pox pa mundo.

Mundo y Reino a conoce situacionnan dramatico cu tin cantidad di pais completamente den certidumbre.

E tream di Evelyn Wever-Croes a sigui traha, aunke cada bez cu e logra algo, e team di su opositornan carga pa hustamente e politiconan cu a mata Aruba den pasado, ta crea turbulencia pa kibra futuro di Aruba.

Awe berdad mester wordo papia.

Berdad cu ta splica, cu awe mientras mundialmente turismo a cuminsa papia di “turismo di inflacion” Aruba tin un sector turistico creciente.

Hende honesto cu ta kere cu mester honra loke ta bon y mustra dede riba loke ta malo, lo aplaudi e forma cu Prome Ministro Wever-Croes ta sigui lucha pa solucionnan pa Aruba y awe a compromete su mes den un trabpu grandi.

Sinta na Aruba y yama na telefon pa atende cu Hulanda, ta dificil. Den su vacacion el a bay Hulanda y awe e ta traha pa Aruba for di Hulanda, caminda centro di Reino ta y caminda e por consulta cu tur politico cu ta dirigi Reino den e Conseho di Ministro.

Awe cu mundo ta rementa, Prome Ministro Evelyn Wever-Croes a bay busca solucion concreto pa Aruba caminda e solucion ta, cu ta den centro di Reino pasobra sin asistencia di Reino no por soluciona e desastre cu a wordo crea for di 2009 ora a destrui futuro di Aruba.

Evelyn Wever-Croes a nenga di bay sconde den Fort Zoutman y a subi avion pa bay den e salanan di trabou di Reino y hunto cu Reino traha pa un futuro di Aruba na momento cu e  mundo cu nos conoce ta despedi y nos mester drenta un era mundial (segun nos ta spera) cu lo no conoce un guera mundial pero si un guera pa restablece normalidad economico y financiero y subi caminda di recuperacion.

Historia a wordo skirbi atrobe dor di Evelyn Wever-Croes, cu no a sinta mira con for di Aruba e por soluciona problema pero a subi avion, caminda e tin tur represente Hulandes na su alcance pa hunto traha pa un Aruba, cu te awe ta uno di e poco paisnan cu no ta sufri manera tanto otro pais ta sufri!

E trabou di Wever-Croes lo bira modelo tambe pa e dos otro paisnan Hulandes den Caribe cu a pone nan confiansa den e lider Arubano, pa alcansa un futuro pa Reino den un mundo di crisis y turbulencia.

NewsAmericasNow.com

Source link