Black Immigrant Daily News
ORANJESTAD (AAN): Manera lectornan di DIARIO ta na altura, e tanki di awa di Alto Vista ta for di servicio. El a wordo haci full bashi, como cu su “tempo a yega”, y tin di wordo reemplaza.
Pesey mes por lo pronto, henter e area Noordwest di Aruba ta depende di e pomp gigantesco cu WEB Aruba NV tin instala banda di caminda grandi na Paradera, cu ta yuda pusha awa pa e distritonan ey, pa asina nan por keda cu presion di awa.
Mientras tanto, riba Dialuna 28 di November a cuminza cu desmantelacion di
tanki di awa na Alto Vista. Esaki ta forma parti di WEB Aruba NV su plan pa construi un tanki nobo cu un capacidad mas grandi y traha di material mas sostenible. Reemplazo di e tanki di awa ta necesario pa por keda suministra awa di bebe di calidad den area di Noord, awor y den futuro.
WEB a planea cu e desmantelacion lo dura di awor te cu mey-mey di Januari 2023. Pero manera por mira aki, e trabao di desmantelacion ta bayendo rapido. E compania a splica cu e frame di e tanki a wordo desmantela completamente caba den apenas un siman. Awor nan lo sigui cu desmantela e fundeshi.
Segun WEB Aruba NV, ora e fundeshi caba di wordo desmantela, tin di bay prepara e tereno bek riba e sero pa asina construi un fundeshi nobo, pa bay wanta e tanki nobo riba dje cu lo bay ta mas hancho.
Durante e periodo di desmantelacion lo por nota trafico di ekipo pisa den e area. Tambe ta existi e posibilidad di disturbio di ruido. Di antemano WEB ta pidi disculpa y ta spera di por conta cu comprension di habitantenan.
E proyecto di Tanki Alto Vista ta forma parti di WEB su proyecto ‘Upgrade Aruba Water Distribution Network’; un proyecto grandi cu ta encera renobacion di tankinan, pomp y tuberia rond nos isla, pero tambe den planta di WEB.
NewsAmericasNow.com
Discussion about this post